SON XƏBƏRLƏR
Saatlıda qəbiristanlıqdan oğurluq edən şəxslər saxlanılıb

Yazının dərc olunma Tarixi: 9/11/2018

Saatlı rayonunda qəbiristanlıqdan oğurluq etməkdə şübhəli bilinən şəxslər polis əməkdaşları tərəfindən yaxalanıblar.

Bu barədə "Report" Daxili İşlər Nazirliyinin mətbuat xidmətindən məlumat verilib.
Saatlıda qəbiristanlıqdan oğurluq edən şəxslər saxlanılıb
Məlumatda bildirilib ki, Saatlı Rayon Polis Şöbəsinə (RPŞ) noyabr ayının 5-dən 8-dək olan müddətdə rayonun Qaracalar kənd qəbiristanlığında qəbrlərin kənarındakı alüminium məhəccərlərin sökülərək oğurlanması barədə müraciət daxil olub.

Dərhal polis əməkdaşları tərəfindən müvafiq tədbirlər görülüb və qısa müddətdə oğurluğu törətməkdə şübhəli bilinən Qaracalar kənd sakini Ziya Qasımov və Bərdə rayon sakini Həbib Mahmudov müəyyən edilərək polis əməkdaşları tərəfindən saxlanılıblar.

Faktla bağlı Saatlıda RPŞ-də araşdırma aparılır.



Fikrini bildir