SON XƏBƏRLƏR
Azərbaycanda son sutkada 156 nəfərin koronavirusa yoluxduğu aşkarlandı: Yeddi nəfər öldü

Yazının dərc olunma Tarixi: 24/5/2021

Azərbaycanda son sutkada 156 nəfərin koronavirusa yoluxduğu aşkarlandı: Yeddi nəfər öldü
Azərbaycan Respublikasında koronavirus (COVID-19) infeksiyasına 156 yeni yoluxma faktı qeydə alınıb, 424 nəfər müalicə olunaraq sağalıb.

Nazirlər Kabineti yanında operativ qərargahdan verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

İndiyədək ölkədə ümumilikdə 332 630 nəfərin koronavirus infeksiyasına yoluxması faktı müəyyən edilib, onlardan 321 132 nəfər müalicə olunaraq sağalıb, 4 867 nəfər vəfat edib.

Aktiv xəstə sayı isə 6 611 nəfər olub.

Son sutka ərzində yeni yoluxma hallarının müəyyənləşdirilməsi ilə əlaqədar 5 546, bu günə qədər isə ümumilikdə 3 458 790 test icra olunub.



Fikrini bildir