İran yenidən karantini sərtləşdirir

Yazının dərc olunma Tarixi: 5/7/2021

İran yenidən karantini sərtləşdirirİran hökuməti ölkədə koronavirusun “Delta” ştammının yayılması ilə əlaqədar bir sıra məhdudlaşdırıcı tədbirləri yeniləmək qərarına gəlib. Hökumət əsas olaraq koronavirusun əhəmiyyətli dərəcədə çox yayıldığı və COVID-19 riski yüksək olan ərazilərdə birinci dərəcəli vacib olmayan ticarət müəssisələrinin bağlanması barədə qərar qəbul edib. Tehran da daxil olmaqla, 275 şəhərdə bütün ictimai parklar, restoranlar, qənnadı məmulatları satılan dükanlar, gözəllik salonları, ticarət mərkəzləri, kitab mağazaları bağlıdır. Həmçinin, koronavirusa yüksək yoluxma səviyyəsi qeydə alınan şəhərlər arasında gediş-gəlişə də qadağa qoyulub.

Bu yaxınlarda İranın eks-prezidenti Həsən Ruhani “Delta” ştammının qəfil yayılması səbəbindən ölkəsinin koronavirusun beşinci dalğası ilə üzləşəcəyi ilə bağlı narahatlığını ifadə etmişdi.

Qeyd edək ki, İranda iyun ayının ortalarından iyul ayının əvvəlinə qədər koronavirusa yoluxma statistikasında artım müşahidə edilir.



Fikrini bildir